Ainm i nGaeilge agus Ceannaire Gaeltachta do ‘Uisce Éireann’

Tá díomá an phobail maidir leis na rialacháin úra seo infheicthe go maith sna meáin le cúpla mí anuas sa tslí go bhfuil na mílte tar éis a mbuairt ó thaobh costas ard maireachtála a léiriú go leanúnach.  Anuas air sin, léirigh pobal na Gaeilge díomá i dtaobh cinneadh Hogan teideal Béarla, ‘Irish Water’ a chur leis an gcuideachta úr seo. 

Moladh sa tuarascáil seo, gur “Uisce Éireann” a bheadh mar ainm ar an bhfóntas poiblí úr, in áit an ainm “Irish Water” a tagraíodh dó go dtí seo. De réir an Chomhchoiste is cinneadh costas neodrach a bheadh sa mholadh seo, agus ar bhonn prionsabail, agus i bhfianaise gurb í an Ghaeilge an chéad teanga náisiúnta sa tír, gur cheart ainm i nGaeilge a bhaisteadh ar an bhfóntas.

Mar fheagra ar cheist Dála ag deireadh na bliana seo caite, dúirt an tAire Phil Hogan go mbeadh sé sásta teideal Gaeilge a chur in áit ‘Irish Water’.  I bhfianaise an fhreagra sin, agus moltaí an Chomhchoiste Dála le déanaí táthar ag súil anois gurb é an t-ainm Gaeilge “Uisce Éireann” a bheidh in úsáid nuair a chlárófar an fóntas poiblí úr amach anseo.

Tharla tuilleadh dul chun cinn an tseachtain seo nuair  ainmníodh cainteoir dúchais Gaeilge agus iar-phreasoifigeach de chuid an Rialtais, Eoghan Ó Neachtain mar ceannaire gnóthaí pobail agBord Gáis agus ag díriú ar ‘Uisce Éireann’.   As Baile an tSagairt ar an Spidéal d’Eoghan Ó Neachtain agus chaith sé seal ag obair sna fórsaí cosanta agus sna meáin. Tá sé le tús a chur leis an bpost an mhí seo chugainn.