An tseachtain seo, beidh deis iontach ag duine leabhair ghleoite do ghasúir atá foilsithe ag An Gúm a bhuachan.
Seo hiad na leabhair atá i gceist:
AZZI Idir Dhá Stól, Dalladh Dánta agus Féasta Filíochta.
Leabhar grafach le Sarah Garland a scríobh agus a mhaisigh atá sa leabhar gleoite AZZI Idir Dhá Stól. Seo scéal iontach corraitheach a insítear, idir phictiúir agus téacs, go lom tuisceanach. Tá Azzi agus a cuid tuismitheoirí i mbaol. Níl rogha acu ach a mbaile féin a fhágáil agus éalú chuig tír eile.
Téann siad ag cónaí i measc strainséirí, in áit nach dtuigeann siad teanga na ndaoine ann. Téann Azzi i dtaithí ar na hathruithe móra ina saol go misniúil cróga, ach tá Mamó fós sa bhaile. An bhfeicfidh sí arís go deo í?
Sa leabhar Dalladh Dánta tá 25 leathanach ildaite d’fhilíocht, Haiku agus Rannta ó fhilí aitheanta. San áireamh tá Áine Ní Ghlinn, Claire Lyons, Colette Nic Aodha, Éamonn Ó Ruanaí, Maria Ní Mhurchú, Patricia Forde, Seán Mac Dhonnagáin, Seán Ó Muimhneacháin, Siobhán Ní Mhuimhneacháin, Sorcha de Brún, agus Uinsionn Ó Domhnaill. Cuid de shraith Séideán Sí
Is cnuasach iontach de dhánta do ghasúir atá sa leabhar Feasta Filíochta. Dearthóirí Áiseanna Teagaisc a thiomsaigh an bailiúchán seo agus ba é Peter Donnelly a mhaisigh an leabhar. Togha gach bia agus rogha gach dí a bhíonn ag féasta de ghnáth. Suigh chun boird ag féasta de chineál eile agus blais de thogha agus de rogha na filíochta!
Tá na leabhair seo feiliúnach ag gasúir aois 10+
Ceist na seachtaine seo:
Cén comhlacht foilseacháin a d’fhoilsigh an leabhar AZZI Idir Dhá Stól?
• An Gúm
• Cló Iar-Chonnacht
• Futa Fata
• Coiscéim
Seol freagraí agus ainm do scoile chuig an seoladh ríomhphoist seo a leanas: duais@comhdhail.ie roimh mheán lae, 05 iúil 2012 agus bíodh na focail “Comórtas Gaelport” mar ábhar an ríomhphoist.
Comhghairdeas le Padaí Ó Mianáin as Doire bhuaigh cóip den leabhar ‘Deora Draíochta’ leis an údar Colmán Ó Raghallaigh san eagrán seo caite.
Táimid fíorbhuíoch de An Gúm a bhronn na duaiseanna iontacha seo orainn.
Foilsithe ar Gaelport.com - 26 Meitheamh 2012
Seans go mbeidh spéis agat sna scéalta a leanas:
As na Nuachtáin - Welcome for Libraries Irish Language commitments
As na Nuachtáin - Scríobh geal
Éachtaí nua bainte amach ag BabógBaby
Lean an scéal seo agus @Gaelport ar Twitter: #Gaeilge #Comórtas