Seoladh an chéad aip dhátheangach do shiúlóirí in Éirinn ag an deireadh seachtaine i mBaile Mhac Caibre i gContae Phort Láirge.
Bhí an láithreoir raidió John Murray a bhfuil dúil aige sa cnocadóireacht i láthair Dé Sathairn 7 Iúil leis an aip d’fhóin chliste a sheoladh agus tugadh cuairt ar shléibhte an Chomharaigh ar an lá.
Tabharfar leideanna agus eolas mar gheall ar na conairí siúlóide éagsúla atá i nGleann na hUidhre agus beidh go leor le foghlaim san aip mar gheall ar stair agus oidhreacht shaibhir an cheantair ag an am céanna.Chomh maith leis sin beidh amhráin áitiúla i mBéarla agus i nGaeilge le cloisteáil ina measc:Cruacha Glas na hÉireann, Sliabh Geal gCua
agus A Chomaraigh Aoibhinn Ó.
Rith an smaoineamh le Turasóireacht Ghleann na hUidhre ar dtús báire gur cheart aip a sheoladh agus le tacaíocht Chomhairle Contae Phort Láirge, Fáilte Ireland agus Fhoras na Gaeilge d’éirigh leo é a chur i gcrích.
Dúirt Bainisteoir Chontae Phort Láirge, Donncha Mac Cárthaigh, go raibh iarrachtaí ollmhóra á dhéanamh ag an gComhairle Contae le blianta beaga anuas chun líon na siúlóirí agus na rothaithe a thugann cuairt ar an gcontae a mhéadú, chun cur le hioncam turasóireachta.
“Fanann lucht siúlóide chnoic 17 lá ar an meánmhéid, tréimhse ama atá i bhfad níos faide ná an méid ama a chaitheadh gnáth duine a d'fhéadfadh a bheith ag teacht ar saoire. Is sa treo sin atá á n-iarrachtaí margaíochta á dhíriú againn faoi láthair”, a dúirt sé
Beidh costas €1.99 ar an aip agus níl le déanamh ach “Nire Valley Trail Guide” a lorg i Stór na hAipe.
© Foilsithe ar Gaelport.com 10 Iuil 2012
Seans go mbeidh suim agat sna scéalta a leanas:
An nuacht is déanaí: An Bille is neamh-ullmhaithe á bhrú tríd an Seanad
Féilte: Scoil Samhraidh i nDeisceart Thiobraid ÁrannFolúntais: Oifigeach na Gaeilge á lorg ag ITBÁC
Lean an scéal seo agus @Gaelport ar Twitter.com: #Gaeilge #teicneolaíocht