Beidh Eaglais Naomh Agaistín, Co. Doire mar óstach don léiriú beo den albam de chuid Phádraigín Uí Uallacháin, Songs of the Scribe: Guth ár Sinsir, ar Dé Céadaoin 5 Meitheamh.
Is ceiliúradh é an t-albam nua seo agus an taispeántas beo de chuid Phádraigín Uí Uallacháin, amhránaí traidisiúnta cónaithe ag Lárionad Séamus Heaney, Ollscoil na Banríona, ar Naomh Colm Chille. Iar-shuíomh cónaithe Cholm Chille is ea Eaglais Naomh Agaistín mar sin ní bheadh áit ar bith eile i nDoire níos oiriúnaí mar ionad ar an gceiliúradh.
Léiriúchán breá ceoil a bheidh i gceist le Guth ár Sinsir, ina dtarraingeoidh Pádraigín Ní Uallacháin a cuid inspioráide agus ábhair ón tSean-Ghaeilge: na sean-liricí, an sean-cheol agus an fhilíocht, ag baint leasa as fidleacha, cláirsigh agus glór álainn Uí Uallacháin féin.
Cuireadh glór Uí Uallacháin i gcomparáid le glór stairiúil na manach ón 6ú go dtí an 12ú aois. Tá ábhar an albaim bunaithe ar stair thraidisiúnta na manach: an tsimplíocht agus an áilleacht ar bhain lena saol fadó.
Molann Séamus Heaney é féin Songs of the Scribe mar “obair aoibhinn uathúil mar gheall ar áilleacht na hamhránaíochta, binneas agus glaineacht an ghlóir agus mar gheall ar an dóigh a dtaispeánann an ceol seo meas do mhacántacht an rann. Tá an ceoltóir mar aon leis na dánta seo”.
Ar 8i.n. a thosóidh an ócáid, ar Dé Céadaoin 5 Meitheamh; agus ní mór ticéad a cur san áireamh trí glaoch ar (0044) 28-7126 8108. Tá costas £10 ar an ócáid.
© Foilsithe ar Gaelport.com 20 Bealtaine 2013
Seans go mbeidh spéis agat sna scéalta a leanas:
Guth Gafa ag teacht go Málainn i mbliana
Deis d’fhoghlaimeoirí Gaeilge teastas TEG a bhaint amach
As Na Nuachtáin: Glór na nGael
Lean an scéal seo agus @Gaelport ar Twitter: #Gaeilge