Seolfaidh Máirtín Ó Muilleoir, Árd Mhéara Bhéal Feirste Cearta & Ceiliúradh 2013 - Féile Ghaeilge an Fhómhair ar an gCéadaoin, 19 Meitheamh ar a 11:00 i.n.
Beidh an t-Árd Mhéara i láthair i Seomra Fáiltithe, Halla na Cathrach, Bhéal Feirste, chun an fhéile a oscailt go hoifigiúil. Ar an lá, beidh ceol ón amhránaí clúiteach Gráinne Holland mar aon le ceol agus siamsaíocht ó Ghaeilgeoirí óga. Anuas air seo, tabharfar turas trí Gaeilge ar Halla na cathrach.Tá an fhéile ar siúl i Halla Uladh i mBéal Feirste i mbliana ón 6 – 7 Deireadh Fómhair. Chuir POBAL, scáth eagras phobal na Gaeilge, tús leis an ócáid bhliantúil ‘Cearta & Ceiliúradh’ ceithre bliana ó shin chun ócáid shiamsaíochta a chur ar fáil don phobal agus le haird a tharraingt ar ghealltanas a thug rialtas na Breataine i gComhaontú Chill Rimhinn, Acht na Gaeilge a reachtú ó thuaidh, rud nár comhlíonadh go fóill.
Tá níos mó eolais ar fáil ar an suíomh greasáin: www.pobal.org. Is féidir teagmháil a dhéanamh le lucht eagraithe na hócáide trí ríomhphost a sheoladh chuig: eolas@pobal.org nó trí glaoch a chur ar: +44 (0)28 90 438132
© Foilsithe ar Gaelport.com 12 Meitheamh 2013
Seans go mbeidh spéis agat sna scéalta a leanas
Féile Ealaíona agus Cultúrtha na Seanbheairice
‘Samhlaigh an domhan’ ag Féile Hay Cheanannais
Manchán Magan roghnaithe mar scríbhneoir cónaitheach Chomhairle Contae Mhaigh Eo
Lean an scéal seo agus @Gaelport ar Twitter: #Gaeilge