Músclaíodh suim bhreise sa Ghaeilge le déanaí nuair a d’fhoghlaim an láithreoir iomráiteach Jonathan Ross ‘cúpla focal’ ar an scáileán idirnáisiúnta le cuidiú ón mbéirín cainteach Bábóg Baby agus is cinnte go bhfuil an béirín céanna ag cur neart daoine ag caint ó shin.
Rinneadh ceiliúradh ar éachtaí an táirge rathúil seo an tseachtain seo caite ag Searmanas Ghradaim Vodaphone Start Up nuair a chroch cruthaitheoir an bhéirín, Adrian Devane duais óir agus airgid leis ar an oíche thábhachtach seo le haghaidh margaíochta agus nuálaíochta.
Ba é a thug leis bonn óir na hoíche don táirge is fearr as Gaeilge agus leis tugadh an bonn airgid dá chruthaitheoir as ucht an phlean gnó atá aige.
“Tá na Gradaim seo tar éis mé a spreagadh níos mó a oibre fós a dhéanamh ar mhaithe le BabógBaby a thógáil go leibhéal níos airde agus a chur chun cinn go hidirnáisiúnta, .” a dúirt Adrian Devane ar an oíche.
Ar scáth na n-éachtaí seo tá sé fógartha chomh maith go n-eiseofar aip nua de chuid BabógBaby le haghaidh iPhone agus iPad mar aon le clár beochana bunaithe ar dhearadh an bhéirín – ‘BB agus Bella’, a chraolfar ar TG4 go luath. Tá sé mar aidhm ag an tsraith seo a leanfaidh ar feadh deich seachtaine siamsaíocht agus beochan a nascadh le foghlaim na Gaeilge.
Tá an béirín féin ag dul ó neart go neart ó thaobh margaíochta de agus é ag múineadh bun-struchtúr na teanga do leanaí óga ó lá go lá ar fud an domhain.
© Foilsithe ar Gaelport.com - 1 Meitheamh 2012
Seans go mbeidh suim agat sna scéalta seo a leanas:
Campaí Samhraidh ar fud na tíre
As na Nuachtáin: Ardú de 7% ar líon na gCainteoirí Gaeilge
Lean an scéal seo agus @Gaelport ar Twitter: #Gaeilge