Baileoidh muintir na Gaeilge i gCeatharlach anocht nuair a chuirfear tús scoil samhraidh na bliana seo atá eagraithe ag Gael Linn, Conradh na Gaeilge, Cois Céim agus Fondúireacht na Gaeilge.
Is é teideal na scoile ná Ag Cothú na Todhchaí: Forbairt na Tíre agus na Teanga, agus pléifear clár ábhar leathan in Óstán an Seven Oaks thar lá go leath, ag tosú ag 7.15 anocht agus ag críochnú ar oíche Shathairn.
Beidh an Coimisinéir Teanga, Seán Ó Cuirreáin i láthair leis an ócáid a oscailt go oifigiúil agus i measc chomhluadar na scoile beidh saineolaithe ó Bhanc Ceannais na hÉireann, Acadamh na hOllscolaíochta Gaeilge agus The Irish Times, mar aon le cuairteoirí ón Spáinn agus ó Mheiriceá a mbeidh ag tabhairt cainteanna le linn an tseimineáir.
Cuirfear tús leis an bplé anocht ag 8.30pm nuair a thabharfaidh An tOllamh Peadar Kirby, Ollscoil Luimnigh, caint ar “Tábhacht na Gaeilge i bhforbairt na tíre: Ag tabhairt aghaidh ar bhunlaigí agus ar bhundúshláin ár staire”.
Leanfaidh an plé agus an díospóireacht ar an Satharn agus cloisfear ó scoth na gcainteoirí thar an lá.
I measc na n-aoichainteoirí beidh An Dr. Conchúr Ó Giollagáin, Acadamh na hOllscolaíochta Gaeilge; Dan O’Brien, Eagarthóir eacnamaíochta, The Irish Times; Des Geraghty, ball de Choimisiún Bhanc Ceannais na hÉireann; Daniel Innerarity, Globernance, An Spáinn agus Arthur Beesley, Comhfhreagraí The Irish Times sa Bhruiséil.
Tuilleadh eolais: www.fnag.ie
Foilsithe ar Gaelport.com - 13 Iúil 2012
Seans go mbeidh spéis agat sna scéalta a leanas:
Scéal faoi dhó
Deontas ceadaithe don Ghaelacadamh i gConamara
Samhail Mhaoinithe #2: Comhairleoir á lorg
Lean an scéal seo agus @Gaelport ar Twitter: #Gaeilge #Ceatharlach