Tacaíocht léirithe ag Comhairle Contae Chiarraí don Choimisinéir Teanga

Ag cruinniú de chuid Comhairle Contae Chiarraí inniu, glacadh le rún d’aon ghuth gan Oifig an Choimisinéara Teanga a dhúnadh mar oifig reachtúil neamhspleách, agus a cuid feidhmeanna ar fad a chur isteach faoi Oifig an Ombudsman mar chuid de phlean athchóirithe don Earnáil Phoiblí.

Bá é an Comhairleoir neamhspleách Mícheál Ó Gliasáin a mhol an rún agus bhí sé cuidithe ag Toireasa Ní Fhearaíosa, Sinn Féin.

I mí na Samhna seo caite, d’fhógair an Rialtas go mbeadh an oifig neamhspleách le comhcheangail le hOifig an Ombudsman mar chuid den athchóiriú san earnáil phoiblí.

Moladh freisin don Rialtas na ciorruithe Gaeltachta ar fad a chur ar ceal go dtí go mbeidh Straitéis 20 Bliain an Rialtais socraithe suas. 

Ba é Fóram Gaeilge Chiarraí a chuir na moltaí os comhair choiste polasaí straitéiseach de chuid na comhairle. Bunaíodh an fóram i mí na Samhna 2011 agus tá ionadaithe ó ghrúpaí pobail a bhfuil suim acu an Ghaeilge a chur chun cinn sa ríocht páirteach ann.