I mbliana ag Oireachtas na Samhna beifear in ann imeachtaí a leanúint, súil a choimeád ar chomórtais, plean a leagan amach agus teacht ar an nuacht is déanaí – é seo ar fad ar ghuthán glic le haip úr Oireachtas na Samhna!
Cruthaithe ag Pangr, eagraíocht lonnaithe i gCo.Liatroma, tabharfaidh an aip nua deis dóibh siúd nach mbeidh i láthair i Leitir Ceanainn an deireadh seachtaine seo súil a choimeád ar imeachtaí agus ar chomórtais.
Foilseofar torthaí na gcomórtas mar aon le scéalta nuachta ag déanamh cur síos ar imeachtaí agus beidh deis ag lucht freastail an Oireachtais a bplean pearsanta féin a chur le chéile.
I measc ghnéithe na haipe tá na míreanna a leanas:
Le Teacht - na himeachtaí agus na comórtais atá díreach le teacht
Suíomhanna - le mioneolas faoi na hionaid agus léarscáileanna
Torthaí – a fhoilseofar láithreach bonn
Nuacht - na scéalta is deireanaí
Tá an aip feiliúnach le haghaidh gutháin iPhone agus Android agus iad ar fáil anois saor in aisce ar Google Play agus ar Apple Appstore. Ná cailligí soicind den aicsean!
© Foilsithe ar Gaelport.com 31 Deireadh Fómhair 2012
Seans go mbeidh speis agat sna scéalta a leanas:
Béim ar bhuntáistí an ilteangachais sa phacáiste gairmthreorach Céim Chun Tosaigh
Réamhamharc ar Oireachtas na Samhna 2012
Lean an scéal seo ar @Gaelport agus ar Twitter: #Gaeilge