An tseachtain seo, beidh deis iontach ag duine dhá leabhair ghleoite, ceann do ghasúir agus ceann do dhéagóirí, atá foilsithe ag An Gúm a bhuachan.
Seo hiad na leabhair atá i gceist: AZZI Idir Dhá Stól le Sarah Garland agus Smuf leis an scríbhneoir Alan Titley.
Leabhar grafach le Sarah Garland a scríobh agus a mhaisigh atá sa leabhar gleoite AZZI Idir Dhá Stól. Seo scéal iontach corraitheach a insítear, idir phictiúir agus téacs, go lom tuisceanach. Tá Azzi agus a tuismitheoirí i mbaol. Níl rogha acu ach a mbaile féin a fhágáil agus éalú chuig tír eile.
Téann siad ag cónaí i measc strainséirí, in áit nach dtuigeann siad teanga na ndaoine. Téann Azzi i dtaithí ar na hathruithe móra ina saol go misniúil cróga, ach tá Mamó fós sa bhaile. An bhfeicfidh sí arís go deo í?
Is scéal spraíúil spleodrach is ea Smuf ó pheann an scríbhneora aitheanta Alan Titley. Conas a mhothófá dá bhfágfadh do mhuintir ar thaobh an bhóthair thú in áit strainséartha – agus dá n-imeoidís leo sa charr? Sin é go díreach a tharlaíonn do Smuf, laoch an úrscéil seo. Cad atá i ndán do
Smuf – saol anróiteach nó saol an mhadra bháin?
Is é Peter Donnelly a mhaisigh an leabhar álainn seo. Tá an leabhair seo feiliúnach do dhéagóirí.
Ceist na seachtaine seo:
Cén comhlacht foilseacháin a d’fhoilsigh an leabhar AZZI Idir Dhá Stól?
• An Gúm
• Cló Iar-Chonnacht
• Futa Fata
• Coiscéim
Seol freagraí agus ainm do scoile chuig an seoladh ríomhphoist seo a leanas: duais@comhdhail.ie roimh mheán lae, 20 Márta 2013 agus bíodh na focail “Comórtas Gaelport” mar ábhar an ríomhphoist.
Comhghairdeas le Fiadhnat Mhic Craith as Co. Chill Mhantáin a bhuaigh an duais san eagrán seo caite.
Táimid fíorbhuíoch de An Gúm a bhronn na duaiseanna iontacha seo orainn.
© Foilsithe ar Gaelport.com 12 Márta 2013
Seans go mbeidh suim agat sna scéalta a leanas:
As na Nuachtáin: 10,000 expected for festival of Celts
Comhdháil Chomhairle na Gaelscolaíochta
Seachtain na Gaeilge 2013 faoi lán seoil
Lean an scéal seo agus @gaelport ar Twitter.com: #gaeilge