Foilsíodh gearrliosta na rannóige ‘Gnó as Gaeilge’ mar chuid de Ghradaim Mhargaíochta na hÉireann an tseachtain seo.Aithníonn na gradaim seo na héachtaí margaíochta a bhaineann comhlachtaí agus eagraíochtaí amach fud an oileáin seo gach bliain agus an ról a ghlacann na héachtaí sin i neartú agus láidriú an heacnamaíochta. Is í an aidhm atá ag na gradaim ná aird a thabhairt ar thábhacht na margaíochta ag cruthú luacha agus brabúis ar tháirge.
I measc na rannóga sa chomórtas náisiúnta seo, tá an rannóg ‘Gnó as Gaeilge’, a díríonn go speisialta ar úsáid na Gaeilge mar uirlis mhargaíochta ar mhaithe le bheith chun tosaigh ar comhlachtaí agus eagraíochtaí eile. Is tréith coitianta é, i measc comhlachtaí lonnaithe in Éirinn, fréamhacha an chultúir Ghaelaigh a úsáid mar íomhá dearfach ina gcuid gnóthaí.
Sa rannóg seo, chuaigh painéal de shaineolaithe margaíochta ar thóir comhlachtaí a bhfuil an Ghaeilge mar shiombail mhealltach acu agus a aithníonn na féidearthachtaí a bhaineann leis an dátheangachas i bhfoirm custaiméirí nua a mhealladh agus iomaíocht ghéar a chruthú le comhlachtaí eile sa mhargadh céanna.
Is é seo an gearrliosta don rannóg ‘Gnó as Gaeilge’:
Banc na hÉireann
BitSmith Games
Freedom Surf School
Irish Independent
Nemeton TV
Tiocfaidh na moltóirí le chéile ar 25 Aibreán 2013 chun cinneadh a dhéanamh agus bronnfar duais ar an mbuaiteoir ag searmanas speisialta ar 23 Bealtaine ag Óstán an Burlington i mBaile Átha Cliath.
© Foilsithe ar Gaelport.com 15 Márta 2013
Seans go mbeidh suim agat sna scéalta a leanas:
DÍOL É - Rannpháirtithe le Gaeilge á lorg
Gearrliosta Ghradam Sheosaimh Uí Ógartaigh 2013 fógartha
Lean an scéal seo agus @Gaelport ar Twitter.com: #gaeilge