Inniu i bPobal na Gaeilge ag an gComórtas Náisiúnta Treabhdóireachta a sheoladh seirbhísí nua le Gaelport.com.
I measc na ríomhirisí sa tsraith nua beidh:
As Na Nuachtáin: Achoimre laethúil ar na scéalta is mó a bhaineann leis an nGaeilge atá foilsithe sna meáin chlóite náisiúnta agus áitiúla.
7 na Seachtaine: Rogha den seacht scéal is mó ó Gaelport.com a sheolfar chugat gach Máirt.
An Saol Gairmiúil: Uair sa tseachtain a bheidh an ríomhiris seo le fáil ó thús mhí Dheireadh Fómhair ar aghaidh, agus beidh cur síos ann ar dheiseanna fostaíochta agus cúrsaí oiliúna reatha.
An Líonra Sóisialta: Ríomhiris rialta a bheidh anseo a dhéanann cur síos ar na himeachtaí is mó ina mbíonn fáilte curtha roimh an Ghaeilge ina measc féilte, éigsí, drámaí, coirmeacha ceoil agus seimineáir agus comhdhálacha.
Thíos faoi seo feictear pictiúir ón seoladh oifigiúil i bPobal na Gaeilge ag an gComórtas Náisiúnta Treabhdóireachta.
Cuirfear fearadh na fáilte roimh chuairteoirí chuig ‘Pobal na Gaeilge’ i gcaitheamh an lae inniu ag Bloc 4, Sraith S, 309, bíodh siad líofa nó ná bíodh.
Chun tuilleadh eolais a fháil ar na himeachtaí, siamsaíocht agus comórtais ar fad lean ‘Pobal na Gaeilge’ ar facebook: www.facebook.com/pobal.nagaeilge nó ar Twitter @PobalnaG.
© Foilsithe ar Gaelport.com 25 Meán Fómhair 2013
Seans go mbeadh spéis agat sna hailt a leanas:
Lá a hAon den Chomórtas Náisiúnta Treabhdóireachta
Féile Litríochta IMRAM 2013
158 Post Nua don Ghaeltacht