Laochra agus Larkin le ceiliúradh ag Scoil Scairte Larkin

Saol agus saothar an cheardchumannaí James Larkin agus laochra liteartha na príomhchathrach a bheidh á cheiliúradh le linn scoil scairte Larkin i mBaile Átha Cliath ón 10 Bealtaine go dtí an 12 Bealtaine.

Is í seo an ceathrú bliain as a chéile don fhéile a bheith á reáchtáil sa phríomhchathair in ómós don cheardchumannaí James Larkin.

Tá rogha mór imeachtaí beartaithe don fhéile, léacht ar oíche na hoscailte faoin Lorcánach féin ag an Dr Enda Leany sa Leabharlann Náisiúnta ina measc.

Beidh leachtaí ar siúl Dé Satharn i Halla na Saoirse ag tosú ag 11.00rn faoi bheirt a raibh tionchar mór acu ar thraidisiún an cheoil in Eirinn - Michael Coleman as Sligeach agus Neilí Ní Dhomhnaill as Rann na Feirste.

Cathal Goan, iar-Phríomh Stiúrthóir RTÉ a bheidh ag caint faoi Neili Ni Dhomhnaill ar maidin agus beidh an fidléir iomráiteach, Jesse Smith, ag trácht ar Michael Coleman san iarnóin.

Léireofar seó in ómós don scríbhneoir Breandán Ó Beacháin, a chuir Des Geraghty i dtoll a chéile agus a bheidh á aithris ag an aisteoir Nuala Hayes le hamhránaithe agus ceoltóirí an bhanna The Liffey Banks.Beidh sé sin ar siúl in Amharclann Halla na Saoirse ar an Aoine, tosú 7.45in.

Beidh siúlóid threoraithe mórthimpeall na cathrach i gcoiscéimeanna Larkin ó Theach an Chustaim ag 2.45pm Dé Aoine, a thiocfaidh chun críche ag Club na Múinteoirí, Cearnóg Pharnell.

I measc na n-oirfideach eile a bheas páirteach, beidh an t-amhránaí Niamh Parsons mar aoi speisialta ag an Clé Club sa Stag's Head oíche Deardaoin agus beidh an t-amhránaí Jimmy Crowley ag tabhairt ceolchoirme ag am lóin in Ionad na dTaibh-Ealaíon, Halla na Saoirse ar an Satharn.

Beidh seisiúin cheoil neamhfhoirmeálta ar siul ar an Aoine agus an Satharn in Ionad na dTaibh-Ealaion i Halla na Saoirse ina mbeidh na maistrí scoile ceoil ar fad páirteach.

Tuilleadh eolais ar fáil ó larkinhedgeschool@gmail.com

© Foilsithe ar Gaelport.com - 1 Bealtaine 2012

Seans go mbeidh suim agat sna scéalta a leanas: