Sheol an Méara Caitríona Jones aipeanna úra Gaeilge “Deisigh do Shráid” agus Aip Leabharlann Átha Cliath Theas Dé Céadaoin seo caite le linn Sheachtain na Gaeilge.Dúirt an Méara gur iontach an áis í seo a chuireann seirbhísí ar fáil do dhaoine trí mheán na Gaeilge agus mhol sí Comhairle Contae Átha Cliath Theas as ucht an Ghaeilge a chur chun cinn lena gcuid tograí.Ar aip “Deisigh do Shráid” beidh deis ag daoine sa phobal dul i dteagmháil leis an gComhairle Contae trí mheán na nuatheicneolaíochta agus beidh siad ábalta tuairisc a thabhairt maidir le graifítí, cosáin, soilse briste, comharthaí briste sa cheantar, boscaí bruscair atá briste agus fágtha ar thaobh na sráideanna mar aon le seirbhísí eile.Beidh an pobal ábalta a fháil amach an bhfuil aon ní de na rudaí thuas logáilte cheana chun nach mbeidh daoine éagsúla ag déanamh tuairisce ar na rudaí céanna.Ar Aip Leabharlann Átha Cliath Theas beidh fáil ag an bpobal ar eolas maidir leis na leabhair atá faighte acu ar iasacht, ar chatalóga, agus beidh siad ábalta teacht ar na leabharlanna éagsúla sa cheantar agus ar na seirbhísí , na himeachtaí agus ar nuacht na leabharlainne. Tá seacht leabharlann i ndeisceart Átha cliath Theas.©Foilsithe ar Gaelport.com 20 Márta 2012.Seans go mbeidh suim agat sna scéalta a leanas:Apps as Gaeilge Feidhmchlár nua ar Raidió Rí Rá Lean an scéal seo agus @Gaelport ar Twitter: #Gaeilge #Teicneolaiocht
Sheol an Méara Caitríona Jones aipeanna úra Gaeilge “Deisigh do Shráid” agus Aip Leabharlann Átha Cliath Theas Dé Céadaoin seo caite le linn Sheachtain na Gaeilge.Dúirt an Méara gur iontach an áis í seo a chuireann seirbhísí ar fáil do dhaoine trí mheán na Gaeilge agus mhol sí Comhairle Contae Átha Cliath Theas as ucht an Ghaeilge a chur chun cinn lena gcuid tograí.Ar aip “Deisigh do Shráid” beidh deis ag daoine sa phobal dul i dteagmháil leis an gComhairle Contae trí mheán na nuatheicneolaíochta agus beidh siad ábalta tuairisc a thabhairt maidir le graifítí, cosáin, soilse briste, comharthaí briste sa cheantar, boscaí bruscair atá briste agus fágtha ar thaobh na sráideanna mar aon le seirbhísí eile.Beidh an pobal ábalta a fháil amach an bhfuil aon ní de na rudaí thuas logáilte cheana chun nach mbeidh daoine éagsúla ag déanamh tuairisce ar na rudaí céanna.Ar Aip Leabharlann Átha Cliath Theas beidh fáil ag an bpobal ar eolas maidir leis na leabhair atá faighte acu ar iasacht, ar chatalóga, agus beidh siad ábalta teacht ar na leabharlanna éagsúla sa cheantar agus ar na seirbhísí , na himeachtaí agus ar nuacht na leabharlainne. Tá seacht leabharlann i ndeisceart Átha cliath Theas.©Foilsithe ar Gaelport.com 20 Márta 2012.Seans go mbeidh suim agat sna scéalta a leanas:Apps as Gaeilge Feidhmchlár nua ar Raidió Rí Rá Lean an scéal seo agus @Gaelport ar Twitter: #Gaeilge #Teicneolaiocht