Cuirfear deireadh leis an bpróiseas comhairliúcháin ar 2 Aibreán ag 4pm. Is é seo an deis dheireanach don phobal a dtuairimí a léiriú mar gheall ar an tSamhail Nua Mhaoinithe.
Punann scéimeanna atá i gceist leis an tsamhail seo áit a mbeadh iarratasóirí á maoiniú, chun tionscadail a chur i gcrích seachas an tsamhail reatha de bhunmhaoiniú eagraíochtúil.
Tuairimí an phobail
Tá sé de rogha ag an bpobal a dtuairimí a nochtadh bealach ar bith is maith leo agus anois tá an Foras sásta glacadh le tuairimí nach mbaineann go dlúth leis an tsamhail mar atá molta.
Is féidir ríomhphost nó aighneacht a sheoladh chuig Séan Ó Cearnaigh Comhordaitheoir Freagairtí ar eolas@forasnagaeilge.ie nó litir a sheoladh chuig, Séan Ó Cearnaigh Comhordaitheoir Freagairtí, Foras na Gaeilge, 7 Cearnóg Mhuirfean, Baile Átha Cliath 2, roimh an spriocdháta.
Déanfaidh beirt phleanálaithe teanga ón gcomhlacht ‘Seirbhísí Pleanála Teanga’ scagadh ar na moltaí a thiocfaidh ón phobal.
Táthar ag súil go ndéanfar tuairisciú ar thoradh an phróisis comhairliúcháin ag an gcéad chruinniú eile don Chomhairle Aireachta Thuaidh Theas a bheidh ar siúl roimh an samhradh.
An Próiseas Comhairliúcháin
Faoi láthair cuireann na 19 n-eagras atá bunmhaoinithe isteach ar mhaoiniú ar bhonn bliantúil le tionscadail leanúnacha a chur i gcrích agus a fhorbairt.
I mí Dheireadh Fómhair na bliana seo caite, d’iarr an Chomhairle Aireachta Thuaidh/Theas ar Fhoras na Gaeilge comhairliúchán poiblí a chur ar bun ar ábhar na Samhla. Ó shin i leith reáchtáladh cruinnithe poiblí i dTrá Lí, i mBéal Feirste, i nGaillimh agus i gCeannáras an Fhorais i mBaile Átha Cliath.
D’fhreastail os cionn 200 duine ar na cruinnithe poiblí agus ba léir go raibh formhór an phobail glan i gcoinne phlean an Fhorais don tSamhail nua mhaoinithe agus impleachtaí an phlean do sheirbhís ríthábhachtach na Gaeilge.
Mar chuid den phróiseas comhairliúchán chas an Foras go haonarach ar na naoi n-eagras déag atá bhunmhaoinithe agus reáchtáladh cruinnithe de ghrúpaí fócais le páirtithe leasmhara chomh maith.
Anuas air sin bhí an tSamhail á plé ag an gCoiste Oireachtais um Chomhshaol, Iompar, Cultúr agus Gaeltacht. Bhuail fochoiste de chuid an choiste oireachtais lena chéile ar 15 Márta agus tá molta go ndéanfar athbhreithniú ar an tsamhail agus an t-easaontas idir na heagrais agus Foras na Gaeilge.
Chuir an Foras tús leis an bpróiseas Samhla nua maoinithe i mí Aibreáin 2008 . Idir an dá linn bhí na heagrais bhunmhaoinithe ag plé na ceiste seo chomh maith le bheith ag cur a gclár oibre bliantúil le chéile.
Tá Fóram na nEagras, a bhfuil 80% de na heagrais bhumhaoinithe páirteach ann, tar éis imní a léiriú faoin easpa anailíse tionchair nó anailíse riosca atá san áireamh sa phlean nua don earnáil.
Deir an Fóram go léiríonn an tsamhail easpa tuisceana iomlán ar obair na n-eagras agus ar shainréimsí na n-eagras agus ar obair na hearnála deonaí.
©Foilsithe ar Gaelport.com 20 Márta 2012.
Seans go mbeidh suim agat sna scéalta a leanas:
Cruinniú deireanach faoin tSamhail nua Mhaoinithe
As na Nuachtáin: Samhail nua mhaoinithe le hathrú ó bhonn a dhéanamh
As na Nuachtáin: Fionn, feidhmeannaigh agus an tsamhail nua mhaoinithe
Lean an scéal seo agus @Gaelport ar Twitter: #Gaeilge #samhail
Cuirfear deireadh leis an bpróiseas comhairliúcháin ar 2 Aibreán ag 4pm. Is é seo an deis dheireanach don phobal a dtuairimí a léiriú mar gheall ar an tSamhail Nua Mhaoinithe.
Punann scéimeanna atá i gceist leis an tsamhail seo áit a mbeadh iarratasóirí á maoiniú, chun tionscadail a chur i gcrích seachas an tsamhail reatha de bhunmhaoiniú eagraíochtúil.
Tuairimí an phobail
Tá sé de rogha ag an bpobal a dtuairimí a nochtadh bealach ar bith is maith leo agus anois tá an Foras sásta glacadh le tuairimí nach mbaineann go dlúth leis an tsamhail mar atá molta.
Is féidir ríomhphost nó aighneacht a sheoladh chuig Séan Ó Cearnaigh Comhordaitheoir Freagairtí ar eolas@forasnagaeilge.ie nó litir a sheoladh chuig, Séan Ó Cearnaigh Comhordaitheoir Freagairtí, Foras na Gaeilge, 7 Cearnóg Mhuirfean, Baile Átha Cliath 2, roimh an spriocdháta.
Déanfaidh beirt phleanálaithe teanga ón gcomhlacht ‘Seirbhísí Pleanála Teanga’ scagadh ar na moltaí a thiocfaidh ón phobal.
Táthar ag súil go ndéanfar tuairisciú ar thoradh an phróisis comhairliúcháin ag an gcéad chruinniú eile don Chomhairle Aireachta Thuaidh Theas a bheidh ar siúl roimh an samhradh.
An Próiseas Comhairliúcháin
Faoi láthair cuireann na 19 n-eagras atá bunmhaoinithe isteach ar mhaoiniú ar bhonn bliantúil le tionscadail leanúnacha a chur i gcrích agus a fhorbairt.
I mí Dheireadh Fómhair na bliana seo caite, d’iarr an Chomhairle Aireachta Thuaidh/Theas ar Fhoras na Gaeilge comhairliúchán poiblí a chur ar bun ar ábhar na Samhla. Ó shin i leith reáchtáladh cruinnithe poiblí i dTrá Lí, i mBéal Feirste, i nGaillimh agus i gCeannáras an Fhorais i mBaile Átha Cliath.
D’fhreastail os cionn 200 duine ar na cruinnithe poiblí agus ba léir go raibh formhór an phobail glan i gcoinne phlean an Fhorais don tSamhail nua mhaoinithe agus impleachtaí an phlean do sheirbhís ríthábhachtach na Gaeilge.
Mar chuid den phróiseas comhairliúchán chas an Foras go haonarach ar na naoi n-eagras déag atá bhunmhaoinithe agus reáchtáladh cruinnithe de ghrúpaí fócais le páirtithe leasmhara chomh maith.
Anuas air sin bhí an tSamhail á plé ag an gCoiste Oireachtais um Chomhshaol, Iompar, Cultúr agus Gaeltacht. Bhuail fochoiste de chuid an choiste oireachtais lena chéile ar 15 Márta agus tá molta go ndéanfar athbhreithniú ar an tsamhail agus an t-easaontas idir na heagrais agus Foras na Gaeilge.
Chuir an Foras tús leis an bpróiseas Samhla nua maoinithe i mí Aibreáin 2008 . Idir an dá linn bhí na heagrais bhunmhaoinithe ag plé na ceiste seo chomh maith le bheith ag cur a gclár oibre bliantúil le chéile.
Tá Fóram na nEagras, a bhfuil 80% de na heagrais bhumhaoinithe páirteach ann, tar éis imní a léiriú faoin easpa anailíse tionchair nó anailíse riosca atá san áireamh sa phlean nua don earnáil.
Deir an Fóram go léiríonn an tsamhail easpa tuisceana iomlán ar obair na n-eagras agus ar shainréimsí na n-eagras agus ar obair na hearnála deonaí.
©Foilsithe ar Gaelport.com 20 Márta 2012.
Seans go mbeidh suim agat sna scéalta a leanas:
Cruinniú deireanach faoin tSamhail nua Mhaoinithe
As na Nuachtáin: Samhail nua mhaoinithe le hathrú ó bhonn a dhéanamh
As na Nuachtáin: Fionn, feidhmeannaigh agus an tsamhail nua mhaoinithe
Lean an scéal seo agus @Gaelport ar Twitter: #Gaeilge #samhail