Cuirfear tús le téarma 10-seachtaine de ranganna oíche Chonradh na Gaeilge i 6 Sráid Fhearchair, Baile Átha Cliath ón 24 - 26 Aibreán 2012. Rang dhá uair a chloig ó 7.00 - 9.00in ar do rogha d'oíche amháin in aghaidh na seachtaine atá i gceist agus tá rogha idir 9 leibhéal éagsúla ar fáil oíche Mháirt, Chéadaoin nó Déardaoin.
Beidh na ranganna oiriúnach d’fhoghlaimeoirí ar gach leibhéal agus tá costas €180 ar an gcúrsa Gaeilge. Tá fógartha chomh maith go mbeidh dianchúrsa lae á eagrú ar 28 Aibreán le cabhrú le hiarrthóirí atá ag ullmhú don iarchéim bunmhúinteoireachta.
“Ar €100, tugann cúrsaí lae Chonradh na Gaeilge treoir agus cleachtadh don agallamh Gaeilge trí obair i ngrúpaí, ról-imirt, agus bréagallamh le haiseolas pearsanta agus noda i dtreo na mbotún is coitianta”, dar le Brenda Ní Ghairbhí, Feidhmeannach Forbartha agus Oifige Chonradh na Gaeilge
Tá tuilleadh eolais ar fáil ó Chonradh na Gaeilge ar www.cnag.ie nó déan teagmháil le Máire Ní Dhuiginn ag eolas@cnag.ie / +353 (0)1 4757401 chun breis eolais a fháil.
© Foilsithe ar Gaelport.com 17 Aibreán 2012
Seans go mbeidh suim agat sna scéalta a leanas:
Ceolchoirm RnaG i nDoire
Folúntas: Stiúrthóir á lorg ag Comhdháil Náisiúnta na Gaeilge
As na Nuachtáin: Cuts to rural disadvantaged schools
Lean an scéal seo agus @gaelport ar Twitter.com: #gaeilge #ranganna