Tá an club ag dul ó neart go neart ó bunaíodh é sa bhliain 2011; Ghlac siad páirt den chéad uair i gComórtas Peile na Gaeltachta sa bhliain 2011, agus beidh said páirteach arís i mbliana, agus bhí siad i mbun an chéad bhabhta d’Fhéile Peile na nGael ag Ard-Fheis Chonradh na Gaeilge an mhí seo caite.
Tá an-chuid bainte amach acu go dtí seo agus táthar ag súil go leanfaidh an dea-obair agus go gcuirfidh an fhoireann nua iomáint leis an bpéire d’fhoirne peile na bhfear, agus foireann amháin na mban atá acu go dtí seo.
Cuirfear tús leis an traenáil, faoi bhainistíocht Cholm Mhic Shéadaigh, ar an Déardaoin, 19 Aibreán ag 6.15pm i bPáirc an Fhionnuisce. Beifear ag cur béime ar scileanna an chluiche le linn na traenála agus mar sin cuirfear fáilte roimh thosaitheoirí agus imreoirí a bhfuil taithí acu. Leanfaidh an traenáil go ceann tamaillín sula nglacfar páirt i gcluichí iomaíochta, le súil a bheith páirteach i gcomórtais i gceann bliana nó mar sin.
Tá gach eolas ar na Gaeil Óga ar fáil ó: 087 9351287.
© Foilsithe ar Gaelport.com - 17 Aibreán 2012
Seans go mbeidh suim agat sna scéalta seo a leanas:
‘Feachtas gnéasúil earcaíochta’ do chlub peile Gaeilge
Lean an scéal seo agus @Gaelport ar Twitter: #Gaeilge