D’fhoilsigh an Rialtas Bille na Gaeltachta 2012 ar maidin. Tá dhá phríomhaidhm leis an mBille, eadhon, sainmhíniú nua a leagan síos don Ghaeltacht agus leasuithe a dhéanamh ar struchtúr agus ar fheidhmeanna Údarás na Gaeltachta. Fógraíodh an tseachtain seo caite go raibh téacs an bhille faofa ag an rialtas.
Ag labhairt dó faoin mBille dúirt an tAire Stáit Dinny McGinley TD: “Is reachtaíocht thábhachtach í seo a chuirfidh bunús reachtúil faoin phróiseas pleanála teanga sa Ghaeltacht agus a thabharfaidh feidhm reachtúil d'Údarás na Gaeltachta maidir le forfheidhmiú na Straitéise 20 Bliain don Ghaeilge sa Ghaeltacht."
Tá an Bille ar fáil anseo. Beidh tuilleadh anailíse ar impleachtaí an Bhille ar chúrsaí Gaeilge agus Gaeltachta níos déanaí tráthnóna.
© Foilsithe ar Gaelport.com 19 Meitheamh 2012