Cuirfear tús le Féile Charn Tóchair na bliana i gCarn Tóchair i nDoire ar an Domhnach seo 1 Iúil agus mairfidh na himeachtaí do dtí lár na míosa.
Beidh neart imeachtaí cultúrtha ar siúl le linn fhéile na bliana seo - ina measc beidh tóraíocht taisce dhátheangach, seandálaíocht, siúlóid thart ar shliabh Charn Tóchair faoi threoir Paul McCooey, Léachtaí, Tráth na gCeist Teaghlaigh, Coláiste Charn Tóchair a bheidh dírithe ar imeachtaí Gaeilge do dhaoine óga, anuas air seo beidh neart imeachtaí dátheangacha idir ranganna, chomhrá, cheoil, bhearbaiciú agus siamsaíocht.
Beidh Scoil Samhraidh Ghaeilge do Dhaoine Fásta á reáchtáil ag féile na bliana seo ón 9 - 11 Iúil agus beidh deis iontach ag daoine Gaeilge a fhoghlaim agus tabhairt faoi ranganna Gaeilge ó bhunrang/Meánrang/Ardrang i mBunscoil Naomh Bríd idir 10am – 3pm.
Ar an Satharn, 14 Iúil beidh ceolchoirm mór i mBialann an Oakleaf i Machaire Rátha ag 9am áit a mbeidh scoth na gceoltóirí agus na n-amhránaithe ag dul chun stáitse.
Ar an Domhnach, 15 Iúil beidh Lá Spraoi Teaghlaigh agus beidh neart spóirt agus spraoi gealta le cluichí bailte fearainn, taispeántas na nEolaithe Mire as Gaeilge, péinteáil aghaidhe, marcaíochtaí pónaí, aeraíochtaí, cluichí agus go leor eile.
Tá liosta iomlán de na himeachtaí ar fáil Anseo
Tuilleadh eolais:
Coiste Forbartha Charn Tóchair
T: 028 7954 9978
R: eolas@ancarn.org
Suíomh gréasáin: www.ancarn.org
Foilsithe ar Gaelport.com - 26 Meitheamh 2012
Seans go mbeidh spéis agat sna scéalta a leanas:
As na Nuachtáin - Raidió RíRá
Féile Ealaíne An Earagail 2012
Lean an scéal seo agus @Gaelport ar Twitter: #Gaeilge