Seoladh leagan grafach den mhórshaothar clasaiceach ‘An Béal Bocht’ le Myles na gCopaleen an tseachtain seo caite agus é ar fáil díreach in am don Nollaig!
Is é Colmán Ó Raghallaigh (Cló Mhaigh Eo) a chóirigh, Breandán Ó Conaire a chuir in eagar, agus John McCloskey a mhaisigh an leabhar álainn seo atá ar fáil anois ar www.leabhar.ie ar an bpraghas íseal de €12 le haghaidh cóip bhog agus €20 do chóip chrua.
Foilsíodh An Béal Bocht den chéad uair sa bhliain 1941 agus Myles na gCopaleen a d’úsáid Flann O’Brien mar ainm cleite air. Déanann an t-úrscéal cur síos magúil agus searbhasach ar chás na nGael ag tús na haoise nua, ag tagairt do shaothair ar nós ‘ An tOileánach’ le Tomás Ó Criomhthain agus ‘Peig’ le Peig Sayers, úrscéalta a bhfuil cáil orthu de bharr na síorchainte ar dheacracht an tsaoil sa Ghaeltacht.
Seo roinnt samplaí den mhaisiú máistriúil a léirítear san úrscéal:
.jpg)
Áis iontach é an t-úrscéal grafach seo a chuireann ar chumas foghlaimeoirí Gaeilge mórshaothar clasaiceach a léamh le cuidiú maisíochta. Bronntanas Nollag idéalach is ea é chomh maith do leantóirí an úrscéil agus dóibh siúd a bhfuil grá acu do litríocht chlasaiceach na Gaeilge, nó fiú mar leabhar éagsúil do dhuine ar bith!
© Foilsithe ar Gaelport 11 Nollaig 2012
Seans go mbeidh spéis agat sna scéalta a leanas:
Iris Comhar mhí na Nollag le seoladh ag an Uachtarán
Líon na stocaí Nollag le leabhair do dhaoine óga
Tabhair bronntanas na Gaeilge i mbliana
Lean an scéal seo agus @Gaelport ar Twitter: #Gaeilge