An tseachtain seo, beimid ag tabhairt deis iontach do dhuine cóip den dlúthdhiosca nua ‘Affinity’ leis na ceoltóirí agus amhránaithe cumasacha Máire Ní Bhraonáin ón mbanna ceoil clúiteach Clannad agus an cruitire aitheanta Cormac De Barra a bhuachan.
Seoladh an dlúthdhiosca nua seo dar teideal ‘Affinity’ i dTeach Tábhairne Leo’s i Mín na Leice ar An Croithlí, i dTír Chonaill breis is seachtain ó shin.
Tá meascán iontach de cheol agus d’amhráin dhraíochtacha ar an dlúthdhiosca gleoite seo le meascán iontach d’amhráin Ghaeilge agus Bhéarla. I measc na n-amhrán atá le cloisteáil tá Crúiscín Lán, Captain O'Kane, Seoithín Seo, Stóirín Rua, Ardaigh Cuan, Suas Síos mar aon le go leor eile.
Is minic a bhíonn an bheirt seo ar stáitse le chéile ag féilte éagsúla timpeall na tíre, ag féilte thar lear agus is e seo an dara halbam atá seolta acu ón gcomhoibriú draíochtach seo dar teideal Voices & Harps ina dtagann beirt amhránaithe agus ceoltóirí den scoth le chéile chun seoda ar leith a chur i mbéal an phobail.
Tá clú agus cáil dhomhanda ar Mháire Ní Bhraonáin mar amhránaí agus mar cheoltóir den scoth le blianta fada. Bhí sí ainmnithe i gcomhair dhá ghradam Grammy agus bhain sí gradam Emmy amach. Is minic a roinn sí an stáitse le laochra móra eile an cheoil agus í ag taisteal ar fud na cruinne. Chuir sí ceol le scannáin ar nós Titanic, To End All Wars agus King Arthur.
Ní ón ngaoth ná ón ngrian a thóg Cormac De Barra a chuid ceoil. Go deimhin bhí saibhreas fonnadóireachta agus an cheoil i gcónaí sa teaghlach agus tá Cormac ar an tríú glúin chun an chruit a thabhairt leis mar rogha d’uirlis cheoil agus bhí an-tionchar ag a sheanmháthair Róisín Ní Shé air agus é ag fás aníos i mBaile Átha Cliath. Anuas air a bheith ina cheoltóir den scoth is láithreoir teilifíse é agus rinne se staidéar ar an gcruit sna Stáit Aontaithe.
Ceist na seachtaine seo:
Cad as don cheoltóir Cormac De Barra ?
• An Uaimh
• Cill Airne
• Baile Átha Cliath
• Dún na nGall
Seol an freagra agus d’ainm chuig an seoladh ríomhphoist: duais@comhdhail.ie roimh mheán lae, 10 Iúil 2013 agus bíodh na focail “Comórtas Gaelport” mar ábhar an ríomhphoist.
Comhghairdeas le Pádraig Ó Cuinneagáin as Co. An Chabháin agus Siobhán Ní Mhuirthile as Luimneach a bhuaigh cóipeanna d’fhoilseacháin An Gúm san eagrán seo caite.
Tuilleadh eolais ag: www.voicesandharps.com
©Foilsithe ar Gaelport.com 2 Iúil 2013
Lean @Gaelport ar Twitter: #Gaeilge