Tá sé mar sprioc ag an bhfoilsitheoir scríbhneoirí nua a spreagadh chun pinn ach beidh fáilte roimh iarrthóirí ar foilsíodh saothair leo cheana chomh maith. “Is mór an cúnamh é go minic spriocdháta a bheith ar intinn an scríbhneora leis an obair atá idir lámha aige/aici a chríochnú. Is mór an spreagadh a thugann sé duais a bhaint amach, an mothúchán sin go bhfuil meas faoi leith ag daoine eile ar an saothar a thagann óna bpeann”, dar le Mícheál Ó Conghaile, bunaitheoir Chló Iar-Chonnacht (ar chlé).
Fáilteofar roimh phrós cruthaitheach nuascríofa, nár foilsíodh cheana, de gach cineál ó úrscéalta go nóibhillí agus cnuasaigh ghearrscéalta, idir shaothair do dhaoine fásta agus saothair do dhaoine óga.
Bronnfar €5,000 ar bhuaiteoir an chomórtais agus bronnfar €3,000 ar an scríbhneoir sa dara háit agus €2,000 ar an saothar a thiocfaidh sa tríú háit.
Cuirfear fáilte roimh iarratais go dtí an spriocdháta ar 3 Meán Fómhair. Tá tuilleadh eolais ar fáil ar www.cic.ie.
Foilsithe ar Gaelport.com 23 Aibreán 2012
Seans go mbeidh suim agat sna scéalta a leanas:
Comhaltaí nua ceaptha ar Bhord TG4
Gradam Gaeilge bronnta ar sheirbhís thacaíochta do dhaoine faoi mhíchumasLean an scéal seo agus @Gaelport ar Twitter.com: #gaeilge #litríocht