Thionóil aisteoirí agus drámadóirí Gaeilge ó na ceithre hairde ag an bhFéile Náisiúnta Drámaíochta sna Dúnaibh i nDún na nGall ar 04, 05 agus 06 Bealtaine.
I láthair ag an searmanas bronnta Dé Domhnaigh 06 Bealtaine, bhí Aire Stáit na Gaeltachta, Dinny McGinley TD agus mhol sé na haisteoirí go léir a ghlac páirt san fhéile.
Thug an tAire aird ar an mborradh faoi dhrámaíocht na Gaeilge i gceantair áirithe i dTuaisceart Éireann agus thug sé aitheantas do shaothar na gcomplachtaí i gContae Dhoire and i gContae Thír Eoghain ach go háirithe.
“Is léir go gcothaíonn an fhéile an-chomhoibriú ag leibhéal an phobail agus níl aon amhras ach gur dea-shampla é sin den phleanáil teanga ag obair ar dhóigh bhreá phraiticiúil”, a dúirt sé. Thug sé moladh do obair atá ar bun ag an gComhlachas Náisiúnta Drámaíochta sna 32 contae
chomh maith. Tá an Comhlachas Náisiúnta Drámaíochta ar an bhfód le 36 bliain anuas agus tá sé mar sprioc aige drámaíocht na Gaeilge a chur chun cinn ar fud na tíre.
Thug an tAire aird ar an mborradh faoi dhrámaíocht na Gaeilge i gceantair áirithe i dTuaisceart Éireann agus thug sé aitheantas do shaothar na gcomplachtaí i gContae Dhoire and i gContae Thír Eoghain ach go háirithe.
“Is léir go gcothaíonn an fhéile an-chomhoibriú ag leibhéal an phobail agus níl aon amhras ach gur dea-shampla é sin den phleanáil teanga ag obair ar dhóigh bhreá phraiticiúil”, a dúirt sé. Thug sé moladh do obair atá ar bun ag an gComhlachas Náisiúnta Drámaíochta sna 32 contae
chomh maith. Tá an Comhlachas Náisiúnta Drámaíochta ar an bhfód le 36 bliain anuas agus tá sé mar sprioc aige drámaíocht na Gaeilge a chur chun cinn ar fud na tíre.
Fíona Pasoma, Aisteoirí Mhíobhaigh, a bhain Gradam Aisteoireachta ag Féile Náisiúnta Drámaíochta 2012
Ag an ócáid bronnadh gradaim ar chomplachtaí agus ar aisteoirí ó na ceithre cúige a bhíonn ag léiriú drámaí nuascríofa sa Ghaeilge. Chomh maith leis sin fuair an lucht féachana blaiseadh ar an dul chun cinn atá déanta ag grúpaí áitiúla le bliain anuas.
Ar lá oscailte na féile, Dé hAoine 04 Bealtaine chuir an lucht féachana roimh na hiomaitheoirí áitiúla, Aisteoirí Mhíobhaigh sa dráma nua le Proinsias Ó Cuilin, Taibhsí na nGael.
Thaispeáin Aisteoirí Bhréannáin ó Chorca Dhuibhne cóiriú úr ar An mBéal Bocht Dé Sathairn agus ina dhiaidh sin léirigh Aisteoirí Chorr na Móna scéaldráma ón bhéaloideas, Dúthaigh Sheoigheach.
Dráma le Pádraig Standún, Bidín a bhí le feiceáil ar an Domhnach 6 Bealtaine agus léiriú úr de chuid Aisteoirí an Lóchrainn Ceatharlach a bhí ann. Ina diaidh sin bhí dráma eile le Proinsias Ó Cuilinn, Díoltas an tSaoil ar stáitse faoi stiúir Aisteoirí Mhic Easmuinn.
Thaispeáin Aisteoirí Bhréannáin ó Chorca Dhuibhne cóiriú úr ar An mBéal Bocht Dé Sathairn agus ina dhiaidh sin léirigh Aisteoirí Chorr na Móna scéaldráma ón bhéaloideas, Dúthaigh Sheoigheach.
Dráma le Pádraig Standún, Bidín a bhí le feiceáil ar an Domhnach 6 Bealtaine agus léiriú úr de chuid Aisteoirí an Lóchrainn Ceatharlach a bhí ann. Ina diaidh sin bhí dráma eile le Proinsias Ó Cuilinn, Díoltas an tSaoil ar stáitse faoi stiúir Aisteoirí Mhic Easmuinn.
Buaiteoirí
Ar na buaiteoirí ar tugadh aitheantas ag féile na bliana seo bronnadh gradam aisteoireachta ar Fiona Pasoma, Aisteoirí Mhíobhaigh, Na Dúnaibh.
Anuas air sin, tugadh aitheantas do Phroinsias Ó Cuilinn a scríobh an dráma úr Taibhsí na nGael.
Bronnadh Gradaim Aisteoireachta ar Ciara Nic Ruaidhrí, Clár Ní Chaimhsí agus Ciara Uí Mhaoláin, Aisteoirí Charn Tóchair, Co. Dhoire. Ghlac siad páirt sa dráma An Teach Mór le Proinisas Ó Cuilinn.
Thug Dónal de Bhailís, Aisteoirí Mhic Easmuinn,An Cheathrú Rua an gradam do Dhearadh Stáitse leis.
Bronnadh Gradaim Foirne ar Aisteoirí Bhréannainn, Corca Dhuibhne don dráma Magadh fé Mhagadh; Aisteoirí Mhíobhaigh, Na Dúnaibh don dráma Taibhsí na nGael; Aisteoirí an Lóchrainn, Ceatharlach don dráma Bidín agus Aisteoirí Mhic Easmuinn, An Cheathrú Rua don dráma Díoltas an tSaoil.
Bronnadh Gradaim Éigse na Féile Náisiúnta ar Éamon Ó Súilleabháin agus Pádraig Ó Caomhánaigh, Corr na Móna (Agallamh); Ann-Marie Uí Dhubhda agus Áine Mhic Gearailt, Corca Dhuibhne (Agallamh): agus Micheál Ó Tuairisg agus Éamon Ó Súilleabháin, Corr na Móna (Lúibín).
© Foilsithe ar Gaelport.com 10 Bealtaine 2012
Seans go bhfuil suim agat sna scéalta a leanas
Deis do chompántas dramaíochta i mBéal Feirste
As na Nuachtáin: Gaelscoil Mhic Amhlaigh ar na sráideanna
Folúntais: Oifigeach Forbartha siopa-ar-líne á lorg
Lean an scéal seo agus @Gaelport ar Twitter.com: #gaeilge #drámaíocht