D’fhógair príomhfheidhmeannach Údarás na Gaeltachta, Stiofán Ó Cúláin inné go gcruthófar 10 bpost úr sa mhargadh miondíola i mBaile Mhúirne le comhlacht nua muiceola faoin mbranda ‘De Róiste’ atá lonnaithe go háitiúil.Comhlacht de chuid Putóg Teo is ea an branda muiceola ‘De Róiste’ a thosaigh ag soláthar táirgí muiceola ceithre mhí ó shin le haghaidh
siopaí náisiúnta, Supervalu agus Centra ina measc. Úsáidtear 100% d’ábhar nádúrtha, faighte ó sholáthraithe áitiúla le haghaidh oideas De Róiste a bhfuil síolraithe ó shean-traidisiúin an teallaigh agus atá ag freastal ar líon chustaiméirí ar mhaith leo bia lámhcheardaithe.
I láthair ag seoladh an bhranda ag ócáid na n-aonad táirgeachta bhí an cócaire iomráiteach agus úinéir na Scoile Cócaireachta Bhaile Uí Mhaolmhuaigh, Darina Allen, a léirigh suim i dtáirgí an chomhlachta. Tá súil ag stiúrthóir Putóg Teo Jimmy Allen cur le líon táirgí an chomhlachta le dul chun cinn níos faide a dhéanamh.
© Foilsithe ar Gaelport.com - 22 Meitheamh 2012
Seans go mbeidh suim agat sna scéalta seo a leanas:
“Easpa Ionadaíochta” a deir Comhdháil Náisiúnta na Gaeilge faoi Bhille na Gaeltachta
Fáinne airgid don Leas-Ardchonstábla
As na Nuachtáin: Gaeltacht Bill to trigger status change
Lean an scéal seo agus @Gaelport ar Twitter: #Gaeilge