Ina measc labhair Marcus Ó Buachalla, fear ildánach atá ag plé le caidreamh poiblí faoi láthair, faoin mbuntáiste breise a thug an Ghaeilge dó agus é i mbun a ghairme beatha.
Bhí an méid seo le rá aige faoina thaithí phearsanta ar lá:
“Haigh, Marcus Ó Buachalla an t-ainm atá ormsa agus tá me ag obair leis an gcomhlacht caidrimh poiblí, Pembroke Communications.
Chuaigh mé go gaelscoil, Scoil Lorcáin, i mBaile na Manach, i mBaile Átha Cliath agus chuaigh mé go dtí an mheánscoil Ghaeilge, Coláiste Eoin, chomh maith leis sin i mBaile Átha Cliath. Chuaigh mé go UCD ansin, chun staidéar a dhéanamh ar Dhlí agus Tráchtáil agus cháiligh mé mar dhlíodóir cúpla bliain ina dhiaidh sin.
Ó thaobh thaithí na Gaeilge de, agus mé i mbun oibre, bím ag obair le TG4, bím ag obair le Newstalk agus chomh maith leis sin bím ag scríobh trí Ghaeilge ar chúrsaí spóirt san Irish Daily Star.
Bíonn an Ghaeilge áisiúil chomh maith ó thaobh caidrimh phoiblí de. Bím ag tabhairt agallamh ar son cliant atá agam dála The Vintner Federation, Bord Gáis Energy, Hotels.com agus é sin ar fad trí mheán na Gaeilge do TG4 nó nuacht RTÉ.”
Tá físeán den agallamh seo le feiceáil thíos.
©Foilsithe ar Gaelport.com - 03 Aibreán 2012
Seans go mbeidh suim agat sna scéalta seo a leanas:
Ardú de 7% ar líon na gCainteoirí Gaeilge
As na Nuachtáin: Voice of Gaeltacht celebrates 40 years since chaotic first broadcast
Léiriúcháin Ghaeilge san iomaíocht ag Féile na Meán Ceilteach
Lean an scéal seo agus @Gaelport ar Twitter: #Gaeilge #bbnag
Sa chatagóir chéanna le Gaelport.com don ghradam ‘Soláthar nuachta is fearr ar líne’ bhí suíomh gréasáin Heineken Music and Green Spheres, The Sunday Business Post agus Daily Business Post agus RTE.ie/News.
San iomaíocht leo sa chraobh cheannais beidh Doireann Ní Ghríofa ó Bhaile an Chollaigh, Calum MacLeoid ó Dhún Éideann, Art Ó Súilleabháin ó Chorr na Móna Gaillimh agus Aodán Ó Sé ó Chathair Chorcaí.
Déanfaidh na filí camhchuairt ar Bhaile Átha Cliath ar 12 Aibreán sular tabharfaidh siad aghaidh ar Cheatharlach don fhéile Phan Cheilteach agus ar Ghaeltacht na nDéise.
Iarrfar ar ionadaithe sinsearacha ó Údarás an Gharda Síochána agus ón Roinn Coimirce Sóisialaigh teacht os comhair an Chomhchoiste Dála amach anseo le dualgais na gcomhlachtaí poiblí i leith na Gaeilge a phlé.
Agus Í scríofa agus curtha i láthair ag Alan Titley, insíonn an tsraith nua seo scéal na Gaeilge ó thus an ama go dtí an lá inniu ar mheán nuálach trí úsáid a bhaint as míreanna beochana, cúlraí scáileáin ghlais agus taifeadadh a dhéanamh ag láithreacha stairiúla. Tugtar léiriú ar mhiotais agus ar scéalta stairiúla, spéisiúla ar bhealach éadroim, gealgháireach agus magúil, gné a shúann an breathnaitheoir isteach in ábhair na sraithe.Mar a deir léiritheoir na sraithe Ciarán Ó Coifigh , “ is ionann stair na hÉireann agus stair na Gaeilge” agus tugannn an tsraith léargas ar scéalta a bhaineann le laochra móra sa stair, Cú Chulaiin, Naomh Pádraig, Brian Ború, Macbeth agus Dónal Ó Conaill ina measc. Gaeilge ab ea an teanga labhartha a bhí acu uilig. Beidh na cláracha le feiceáil ar TG4 ar 17 agus 19 Márta ag 20:30.Tá blaiseadh beag ar fáil anseo:Lean an scéal seo agus @Gaelport.com ar Twitter: #gaeilge #scealnagaeilge©Foilsithe ar Gaelport.com - 13 Márta 2012
Bailleoidh ionadaithe ó ghaelscoileanna agus ó eagraíochtaí Gaeilge agus ó chultúir ó thuaidh agus ó dheas le chéile ar an ócáid seo le teáma na bliana seo a phlé – coláisteacht, comhroinnt dea-chleachtais agus comhoibriú earnála.
I measc na gcainteoirí a bheidh tabhairt ceardlanna éagsúla ag an gcomhdháil i mbliana, tabharfaidh an tAire Oideachais, John O’Dowd eochair-chaint.
Glacfaidh An tSeirbhís um Fhorbairt Ghairmiúil do Bunscoileanna páirt in imeachtaí an lae chomh maith.
Deir comhordaitheoir na hócáide, Tarlach Mac Giolla Bhríde gur “cúis áthais do Chomhairle na Gaelscolaíochta agus don earnáil ar fad go mbeidh Ardmhéara Bhéal Feirste, Niall Ó Donnghaile ag pilleadh ar an alma mater s’aige leis an Chomhdháil a oscailt dúinn i mbliana. Is iardhalta gaelscoile Bhunscoil Phobal Feirste agus Choláiste Feirste é an tUasal Ó Donnghaile agus is eiseamláir iontach é ar na buntáistí a bhaineann leis an Ghaelscolaíocht.”
Reáchtálfar an Chomhdháil Dé hAoine 16 Márta i gColáiste Feirste, Páirc Radharc na bhFeá, Bóthar na bhFál, Béal Feirste, idir 9.30 agus 4.00.
Lean an scéal seo agus @Gaelport at Twitter
© Foilsithe ar Gaelport.com - 13 Márta 2012
Táthar ag súil go dtiocfaidh slua mór ag an gcruinniú agus go mbeidh an pobal chomh maith le fostaithe ó na heagais Ghaeilge i láthair ag an ócáid.Baineann an tSamhail seo le hathrú ón múnla bunmhaoinithereatha, áit a gcuireann Foras na Gaeilge maoiniú ar fáil ar bhonn bliantúil do 19 n-eagras. Cuirfear tús leis an gcruinniú i Halla an Fhorais i gCeannáras Fhoras na Gaeilge i gCearnóg Mhuifean ag 7 i.n. D’ fheastail 50 duine ag cruinniú eile faoin tSamhail a réachtáladh i nGaillimh Dé Luain 12 Márta. Pléadh an cruinniú ar 7 Lá ar TG4 aréir. Ar an gclár dúirt Donnchadh Ó hÉalaithe go raibh an cruinniú sin “sibhialta“ ach ní raibh sé “ró-chairdiúil”.Dúirt sé chomh maith gur cheap sé go raibh muinín cailte ag earnáil dheonach na Gaeilge i bhForas na Gaeilge agus go raibh bearna mór idir na heagrais Ghaeilge agus Foras na Gaeilge. Bhraith sé nach raibh aon mhaitheas ag baint leis an gcruinniú ar an ábhar nach raibhan dá dhream ag éisteacht lena chéile.Dúirt Peadar Mac Fhlannchadha, Timire Náisiúnta Chonradh na Gaeilge, go raibh an-díomá air mar gheall ar an gcur i láthair a ndearna Foras na Gaeilge ag an gcruinniú i nGaillimh.Duirt sé nár cheap sé go raibh sé macánta agus nach raibh cúlra an scéil áinsint ag an bhForas.“ Ba léir ní hamháin go raibh muinín caillte ag an bPobal sa bhForas ach go raibh muinín caillte ag pobal na Gaeilge ann”, a dúirt sé.Tá achainí fós ar bun ag na hEagrais Ghaeilge in aghaidh na Samhla mar atá molta ag Foras na Gaeilge. Tá 1520 duine tar éis tacú leis anachainí go dtí seo.©Foilsithe ar Gaelport.com 14 Márta 2012Lean an scéal seo agus @Gaelport ar Twitter: #gaeilge #samhail
Dúirt an Breitheamh Iarlaith Ó Néill san Ardchúirt ar 14 Márta go raibh cead ag iarratasóirí cúis dlí a thionscnamh ar an ábhar nach raibh an tAcht ar fáil i nGaeilge. Foráiltear in Alt 7 d’Acht na dTeangacha Oifigiúla go bhfuil dualgas ar an Oireachtas, Achtanna a chló agus a fhoilsiú go comhuaineach i ngach ceann de na teangacha oifigiúla a luaithe is féidir tar éis aon Acht den Oireachtas a achtú.Ach tá ráite ag an gCoimisinéir Teanga, Seán Ó Cuirreáin go gceadaítear achtanna a fhoilsiú i dtús báire in aon teanga amháin i bhformáid leictreonach.Tá an tAcht ar fáil i mBéarla go leictreonach ach sonraítear nach bhfuil leagan clóite ar fáil in aon cheann de na teangacha oifigiúlaAg labhairt faoin gceist dúirt Peadar Tóibín TD go raibh faillí déanta ag an Rialtas ar 500,000 cainteoir laethúil Gaeilge gan an tAcht a chur ar fáil dóibh.©Foilsithe ar Gaelport.com 20 Márta 2012Seans go mbeidh suim agat sna scéalta seo a leanas:High Court allows challenge to household charge Ciúnas timpeall ar an nGaeilge sa saol poiblí Léargas ar Acht na dTeangacha Oifigiúla 2003 Lean an scéal seo agus @Gaelport ar Twitter:#gaeilge #cearta
Go hiondúil bíonn beirt fhilí, ceoltóir agus amhránaí traidisiúnta i ngach grúpa. Bíonn dhá chuid i gceist le gach Turas - Turas na bhFilí Albanacha ar Éirinn agus Turas na bhFilí Éireannacha ar Albain. I mbliana is iad na filí Rody Gorman agus Fearghas MacFhionnlaigh (thíos) agus na ceoltóirí Rona Lightfoot agus Linda NicLeòid a bheidh i láthair ar an turas.
Ar an Aoine, 13 Aibreán, beifear ag tabhairt cuairte ar Ghaeltacht na Rinne d’oíche mhór filíochta agus ceoil arna heagrú i Meánscoil San Nioclás i Rinn Ó gCuanach.
Beidh an file áitiúil Áine Uí Fhoghlú ag léamh filíochta i gcuideachta na bhfilí Albanacha agus beidh an píobaire Caoimhín Ó Fearghail, fear óg a bhain amach Gradam Ceoltóir Óg na Bliana TG4 2012 ina measc mar aon leis an amhránaí sean-nóis Ann Mulqueen. Tabharfar deis d’fhilí áitiúla píosa dá gcuid filíochta a léamh ag an seisiún maidhc oscailte seo.
Cuirfear clabhsúr bríomhar le Turas na bliana nuair a dhéanfaidh an Turas nascadh le Fhéile Phan Cheilteach na bliana seo a bheidh faoi lán seoil i gCeatharlach faoin am sin agus beidh oíche mhór filíochta/ceoil & amhráin Ghaeilge agus Gàidhlig in Óstán Seven Oaks i gCeatharlach ar 14 Aibreán.
Beidh na filí áitiúla Deirdre Brennan agus Siobhán Ní Shíthigh ag léamh filíochta ar an oíche i gcuideachta na bhfilí Albanacha mar aon le neart ceoil agus amhrán ó na hAlbanaigh agus beidh ceol agus amhráin leis an gCruitire/amhránaí áitiúil Pádraigín Caesar.
Is scéim cheilteach sheanbhunaithe thábhachtach í Turas na bhFilí de chuid Chomhdháil Náisiúnta na Gaeilge agus is é an clár malartaithe is faide bunaithe idir Éirinn agus Albain é. Tá meas mór ag muintir na Gaeilge agus na Gàidhlige ar an scéim, go háirithe ag filí, ceoltóirí, agus amhránaithe ón dá thraidisiún. I measc na bhfilí agus na gceoltóirí Éireannacha a chuaigh ar an turas go hAlbain, bhí Máirtín Ó Direáin, Caitlín Maude, Nuala Ní Dhomhnaill, Gabriel Rosenstock, Seán Ó Tuama agus Cathal Ó Searcaigh.
©Foilsithe ar Gaelport.com 20 Márta 2012.
Seans go mbeidh suim agat sna scéalta a leanas:
Barántas ar fhilíocht nuachumtha do Chomórtas Filíochta an Choirnéil Eoghain Úí Néill
Comórtas Filíochta an Choirnéil Eoghain Uí Néill
Lean an scéal seo agus @Gaelport ar Twitter: #Gaeilge #Gaelic #Turas
Ag labhairt ag an seimineár san Uaimh beidh Irene Ní Nualláin atá ag obair mar Iriseoir le TG4/RTÉ, Traic Ó Braonáin atá ina Bhainisteoir Iar-Aire le Cumann na bhFiann, Bláthnaid Ní Chofaigh, Láithreoir le RTÉ (ar chlé), Marcus Ó Buachalla Ó Pembroke Communications agus Siobhan Seoighe atá ina Feidhmeannach leis an bhForas Pátrúnachta.Tá na seimineáir seo dírithe ar dhaltaí iar-bhunscoile sna ranganna sinsearacha i scoileanna ar fud na tíre. Le linn na seimineár pléitear na buntáistí breise a thugann an Ghaeilge d’fhostaithe sa saol oibre. Le déanaí bhí seimineáir dá shaghas i mBéal Átha na Sluaighe i gCo. na Gaillimhe agus in Inis i gCo. an Chláir, áit ar bhailigh suas le 500 dalta scoile le chéile.Is féidir tuilleadh eolais faoin seimineár seo a fháil ach glaoch a chur ar Bhígíd Ní Ghríofa ó Chomhdháil Náisiúnta na Gaeilge ag 01 679 4780 nó r-phost a chur chuig eolas@gaelport.com.©Foilsithe ar Gaelport.com 20 Márta 2012.Seans go mbeidh suim agat sna scéalta a leanas:Camchuairt Bhuntáiste Breise na Gaeilge 2012Físeán: Buntáiste Breise na GaeilgeLean an scéal seo agus @Gaelport ar Twitter: #Gaeilge #bbnag
Agus é ag seoladh an dlúthdhiosca duirt an Seanadóir gurb "seoid” ann féin a bhí sa dhlúthdhiosca agus go raibh "ceol agus an cultúr go beo bríomhar in ár measc”. Is as Cor an Dola in oirthir na Gaillimhe do Noreen ó dhúchas ach tá cónaí uirthi i Leitir Ard i gCarna le blianta anuas agus ina cuideachta ar an ndlúthdhiosca seo tá a cuid deartháireacha, an fidléir clúiteach Frankie Gavin agus an boscadóir aitheanta Seán Gavin. Bhí tionchar an cheoil go láidir sa teaghlach agus í ag fás aníos. Bhíodh an teach tábhairne clúiteach J.J. Gavin’s Pub ag a muintir agus is minic a bhíodh laochra móra an ceoil agus amhránaithe den scoth ag teacht chuig an teachín ceann tí agus í níos óige. Tá clú agus cáil ar Noreen lena cuid ceoil ar an bhfeadóg stáin. Tá aithne mhór uirthi mar cheoltóir cumasach le blianta fada anuas agus is minic a bhíonn Noreen ag déanamh moltóireachta ar chomórtais timpeall na tíre.Anuas ar sin bíonn sí ag teagaisc an feadóg stáin ins na scoileanna áitiúla i gceantar Iorras Aithneach.An tseachtain seo, beidh deis iontach ag beirt cóip den dlúthdhiosca bríomhar nua 'The Quiet House' bhuachan. Ceist na seachtaine seo:Cá rugadh Noreen O’Sullivan ? • Cathair na Mart • An Cabhán • Cor an Dola • Carna Seol freagraí agus ainm do scoil chuig duais@comhdhail.ie roimh meán lae, 29 Márta 2012 agus bíodh na focail “Comórtas Gaelport” mar ábhar an ríomhphoist. Comhghairdeas le Seán Ó Muimhneacháin as Co. Chorcaí a bhuaigh duais an eagráin seo caite.©Foilsithe ar Gaelport.com 20 Márta 2012.
Tá sé i gceist ag an Aire Stáit don Ghaeltacht, Dinny McGinley TD scéim nua a fhorbairt in áit scéim labhairt na Gaeilge.
Beidh soiléiriú á lorg na hionadaithe ar bheartas nua na Roinne sa chruinniú. Thug an tAire le fios le déanaí go mbeadh €500,000 ar fáil don scéim tacaíochta teaghlaigh.
Ceaptar nach mbeidh deontais á n-íoc go díreach le teaghlaigh mar a rinneadh sa tseanscéim agus go gcuirfear seirbhísí tacaíochta éagsúla ar fáil fud fad na tire d’fhonn tacaíocht a thabhairt do dhaoine atá ag iarraidh a bpáistí a thógáil le Gaeilge.
Beidh an clár tacaíochta dírithe ar dhaltaí réamhscoile agus ar leanaí óga chomh maith le páistí scoile.
Tá luaite sa Straitéis 20 Bliain don Ghaeilge go bhforbrófar scéim tacaíochta teaghlaigh. Beidh soiléiriú á lorg ag na heagrais ar an maoiniú a bheidh curtha ar leataobh don scéim amach anseo agus an infheistíocht atá beartaithe don scéim a fhreastalóidh ar pháistí na Poblachta amháin.
©Foilsithe ar Gaelport.com 20 Márta 2012
Seans go mbeidh suim agat sna scéalta eile a leanas:
Deireadh le Scéim Labhairt na Gaeilge fógartha
Clár Tacaíochta Teaghlaigh nua le fógairt ag McGinley
Lean an scéal seo agus @Gaelport ar Twitter: #gaeilge #straitéis
Dúirt Clare Spáinneach, Oifigeach Forbartha Gaelscoileanna Teo go mbeidh 15 scoil rannpháirteach sa chraobh i mbliana."Táimid ag súil le cur leis sin gach bliain. Molaim do na daltaí taitneamh a bhaint as an lá agus as an deis casadh le daltaí eile ó Gaelscoileanna éagsúla", a dúirt sí.Tá an comórtas seo, atá dírithe go hiomlán ar na healaíona cruthaitheacha, á reáchtáil ag Gaelscoileanna Teo ó 2006 ag é ag méadú gach bliain ó shin. Tá eagraithe an chomórtais tar éis an tír a thaisteal ar thóir na ndaltaí Gaelscoile is ildánaí agus is nuálaí.Tá ceithre rannóg i gceist sa chomórtas: Ceol Nua-aimseartha - Aonair/Grúpa, Damhsa Cruthaitheach - Aonair/Grúpa, Drámaíocht - Aonair/Grúpa, Ilchineálach - Aonair / Grúpa. Bíonn gach cineál ealaíon i gceist sa rannóg ‘ilchineálach’ idir scéalaíocht agus dhraíocht agus neart féidearthachtaí sna rannóga eile do dhaltaí sinsir agus sóisir iad féin a chur in iúl ar bhonn cruthaitheach.Beidh sraith de chláir á gcraoladh ar Raidió na Gaeltachta, iad léirithe ag Fiachna Ó Braonáin, maidir le haistear iomlán Scléip! ar chamchuairt ar fud na tíre.©Foilsithe ar Gaelport.com 20 Márta 2012.Seans go mbeidh suim agat sna scéalta a leanas:40 scoil lán-Ghaeilge san áireamh i bplean tógála an RialtaisAchainí ar chás na nGaelscoileannaLean an scéal seo agus @Gaelport ar Twitter: #Gaeilge #gaelscoileanna #scléip
Is é seo an chéad fhógra atá foilsithe ag comhlacht poiblí atá ag ullmhú scéime teanga ó cuireadh clabhsúr leis an gcomhairliúchán poiblí ar an Acht Teanga ag deireadh mhí Eanáir.
Faoin Acht tugann an Roinn Ealaíon, Oidhreachta agus Gaeltachta treoir do chomhlachtaí poiblí scéimeanna teanga a fhoilsiú.
Ag Tóstal na Gaeilge 2012 dúirt Príomhoifigeach na Roinne, Séamus Mac Giolla Chomhaill go raibh an Roinn ag súil “go gcuirfear athruithe i bhfeidhm ar chóras na scéimeanna, fiú sula mbeidh an t-athbhreithniú ar an Acht curtha i gcrích ina iomláine.”
Tá ráite ag an gCoimisinéir Teanga Seán Ó Cuireáin go raibh na maidí ligthe le sruth agus go bhfuil teipthe tríd is tríd anois ar chóras daingnithe na scéimeanna teanga.
Ag labhairt dó ag Tóstal na Gaeilge dúirt sé go mbeadh sé ionann agus “dodhéanta” anois muinín a chothú athuair sa chóras sin.
Sna scéimeanna teanga déantar cur síos ar ghealltanais an chomhlachta poiblí i leith na seirbhísí a chuirtear ar fáil don phobal go dátheangach.
©Foilsithe ar Gaelport.com 20 Márta 2012
Seans go mbeidh spéis agat sna scéalta a leanas
Aighneachtaí á lorg- Údaráis Áitiúla Chill Mhantáin
2011: Deireadh ré na scéimeanna teanga?
Físeán: Athbhreithniú ar Acht na dTeangacha Oifigiúla
Lean an scéal seo agus @Gaelport ar Twitter: #gaeilge #cearta